Bummel 2025

D'Fasnacht 2025 isch scho wieder verbii. Und wie jedes Joor folgt denn no dr Bummel amene Bummelsunntig. Wieder sind alli sehr gspannt gsie, wo dass mir ahne gönd...

Am Morgen hend mir uns an dr Bushaltestell in Arisdorf mit de Instrument troffe und sind mit dr ÖV uf Basel gfahre. Am Bahnhof usgstiege, mit dr Rollträppe oder em Lift ufd Passerelle gfahre und denn zerst mol im Coop e churzi Trink-Verpflägig gholt. Witer simmer richtig Gundeli gloffe und ine Siteströssli ihboge, wo mir euses erste Ziel erreicht hend. ONE OUR ESCAPE. Für gwüssi ischs s'erste Mol gsie, wo sie imene Escape Room gsie sind. Mir sind in Gruppe ufteilt worde und jedi Gruppe isch imene andere Ruum ihgschlosse worde. D'Ziit lauft... Schaffes alli??? Leider nit -  ei Gruppe vo eus isch leider "gstorbe".

Witer ischs gange ind Freiestross ins Restaurant Hans im Glück. Bevor d'Sunne cho isch, ischs no rächt früsch gsie. Nachdem alli (zum Teil au mitere lichte Überforderig) ihre Burger bstellt hend, chli gwartet hend, het d'Raubtierfüeterig gstartet. Will me z'Basel erst ab de 4i dörf spiele, hend mir uns dött no 1-2 Bierli oder Coctails gönnt. 

Drnoch sind mir spielend durch Basel gloffe und hend zwüschedure immer mol wieder e Platzkonzert geh.

Ahschliessend hend mir eus scho ufe Ruckwäg gmacht und hend dr Bummel mit em traditionelle Uftritt uf dr Bühni z'Arisdorf ufem Schuelhuusplatz beändet.